يعني ايه بابا

موضوع: يعني ايه بابا الجمعة 16 يناير 2015, 11:31 pm

يعني ايه بابا

• يعني تفتكر وانت صغير اما كنت تنام علي الكنبه ويجي باليل يشيلك يوديك أوضتك

• يعني يدخل عليك باليل وانت نايم عشان يطمن اذا كنت متغطي كويس ولا يغطيك

• يعني تصح باليل وتبقي مكسل تقوم من مكانك .. فتنادي عليه وتقوله بابا عايز أشرب

• يعني تقوله عايز اطلع رحله مع أصحابي .. يقولك مينفعش .. تقوم تزعل .. يجي وراك بعدها بشويه ويبوس راسك ويقولك خلاص ولا تزعل

• يعني اما تخرج معاه .. تمشي معاه متعلق في ايده زي ما كنت بتمشي وانت صغيره

• يعني تفتكر اما كنت صغنتوت لسه وكان شايلك علي كتفه .. والدنيا عماله تمطر عليكم

• يعني تبقي قاعد في البرد رجلك متجله وتيجي تقعد جنبه وتحط رجلك علي رجله عشان يدفيهالك .. وهو يهزر ويقولك امك ثم امك ..يلا روح عند ماما

• يعني أما يبقي عندك فار في البيت تتلموا كلكم في أوضه .. وتسيبوه هو لوحده مع الفار لحد ما يموته

• يعني أما تبقي عريس تلاقيه قاعد بيتكلم عنك وفخور بيك ويحسسك ان مفيش حد في الدنيا عنده ابن زيك

• يعني أما تزعله وتشد معاه في الكلام .. وتروح بعدها تقوله بابا أنا اسف .. يقولك حبيبي أنا عمري ما ازعل منك

• يعني يوم جوازك .. تشوفه في وسط فرحته بيكي دموع مقدرش يمنعها عشان خلاص مش هتبقي معاهم في البيت

• يعني يوم اما يعرف أن مراتك حامل وانك هتجيب نونو يبقي فرحان أكتر منك ذات نفسك

• يعني ساعة ولادته تلاقيه واقف بره هيتجنن وعمال يدعي ويصلي ربنا يقوم مراتك بالسلامه

• يعني يبقي فرحان بابنك أو ببنتك وسايب اللي وراه ورايح جاي يلعب معاه

• يعني الحنان والحب والامان

• يعني ربنا يخليهم لينا ويحفظهم ويقدرنا علي برهم

» ترنيمة بابايا يعني بايوت لتعليم اللغة القبطية
» صباح الخير يا بابا يسوع
» ألو بابا يسوع - كورال صوت الروح - للأطفال
» ترنيمه بابا نويل احنا فاكرينك
» ألبوم سلامنا ليك يا بابا كيرلس - ساتر ميخائيل