عدد الرسائل : 620 admin : 1 نقاط : 82 تاريخ التسجيل : 06/10/2007
موضوع: أصنع بانر ( banner ) بنفسك في اقل من عشر دقائق الخميس 14 فبراير 2008, 8:01 pm
النهاردة هنعمل تطبيق سهل و بسيط جدا في اقل من عشر دقائق و هو الـbanner و هو يستخدم لاعلانات المواقع حافظ للشاشة .....الخ علشان مطولش عليكوا يلا نبدأ:.......
هنفتح صفحة جديدة بالمقاسات التالية..
و بعدين نملأ الصفحة بأي لون مناسب بأداة ملئ اللون اللي في الصورة
و نختار الصورة اللي عايزين نحطها في البانر زي الصورة الحلوة دي عن طريق file>open و نحدد مكانها
و لو لقينا مقاسها كبير اوي زي دي نعدل مقاسها عن طريق image>image size و نعدل اهم حاجة الارتفاع اللي انا مشاور عليه في الصورة علشان تبقي نفس ارتفاع البانر ملحوظة: نغير المقاس اللي تحت بس علشان المقاسين بيتغيروا تلقائيا مع بعض يعني لو صغرنا المقاس اللي فوق هنلاقي المقاس اللي تحت اتغير لوحده فأحنا نخلي المقاس اللي تحت اللي هو الارتفاع يبقي نفس ارتفاع البانر و يا ريت تكونوا فهمتوا الحتة دي علشان انا مش فاهمها
و لما نصغرها هتبقي زي الصورة دي و اظن عرفتوا احنا كنا بنصغرها ليه
ثم نذهب لقائمة select و نحتار all كما بالصورة علشان نحدد الصورة كلها
و بعد ما اتحددت زي الصورة نسحبها بالأداة اللي في الصورة دي علشان نحطها علي البانر زي الصورة
و بعد كده انسوا الصورة خالص كل شغلنا بقي علي البانر و علموا الفرشة علي الخلفية و شيلوها من قدام الصورة زي اللي في الشكل و بعدين ندوس علي الدايرة البيضاء اللي فوق مربع الليرات و نختار الامر اللي في الصورة علشان ندمج الصورة مع الخلفية
و بعدين نختار أداة الكتابة علشان نكتب علي البانر زي اللي في الصورة و نححد المساحة اللي هنكتب فيها و لو الخط
و بعدين بعد ما نخلص الكتابة نروح لأداة السحب و نسحب الكلام علشان نخليه في المكان اللي احنا عايزينه
و بعد كده نكتب الكتابة التانية بنفس الطريقة و هنلاحظ وجود ليرين لير الكتابة الاولاني و لير الكتابة الثاني و نظبط الاتنين فوق بعض بالظبط عن طريق أداة السحب زي الصورة
و بعد كده ننتقل الي برنامج image ready عن طريق الضغط علي الزر الموضح بالصورة
و بعد ما ننتقل الي البرنامج هنلاقي شكله كلأتي و لو ما لقيناش مربع animation اللي تحت نروح لقائمة >animation هنلاقيه ظهر زي الصورة و بعدين نشيل العين من قدام اللير اللي مش عايزينه يظهر في الاول و نعلم علي اللير اللي عايزينه يظهر و نعلم علي الخلفية زي الصورة
و بعدين ندوس علي الزر اللي باين في الصورة علشان نعمل لير جديد في مربع animation زي الصورة اللي جاية
بعد ما عملنا لير جديد في مربع animation نروح نشيل العين من قدام اللير اللي كنا معلمين عليه و نحطها علي اللير التاني اللي مش متعلم عليه و العين اللي علي الخلفية تفضل زي ما هي و نفس الحكاية تتكرر لو انت عامل اكتر من كتابة تفضل تعمل لير في مربع animation و بعدين تشيل العين من علي القديم و تحطها علي الجديد هكذا انما انا عامل ليرين بس علشان الشرح يبقي سريع
جينا بقي لاهم خطوة و هي اللي هتظهر جمال البانر و هي الوقت المحدد لظهور الكتابة من خلال الضغط علي الزر المشار اليه و نختار الوقت اللي نحس انه ماشي مع شكل البانر و كمان انه يلحق الناس يشوفوه و لو عايزين البانر ده يفضل شغال علطول هنلاقي زر تحت المشار عليه مكتوب عليه forever و ساعات يبقي مكتوب once زي ما انت عايز بقي عايز البانر شغال علطول او عدد معين من المرات من خلال هذا الزر
و بعد ما نختار الوقت ممكن ندوس علي زر play اللي تحت مربع animation علشان نشوف البانر اللي عملناه قبل ما نعمل save علشان لو عايزين نعدل في الوقت او حاجة و بعد ما نخلص نيجي لاهم خطوة هي التسييف ندوس file>save optimized علشان تتسيف و هي متحركة زي الصورة
و بكده نكون خلصنا الـbanner يا رب الطريقة تكون سهلة و بسيطة و ده تطبيقي عايزين تعرفوا انا عملته ازاي هقولكوا في المرة الجاية هو نفس التطبيق مع ادخال بعض التعديلات