حوار بين انسان خاطى وربنا

حوار بين انسان خاطى وربنا

تأليف مايكل اسعد

الخاطى:اه يا رب انا تعبت اووى من الخطية دى

ربنا: طيب تعال لى وانا اريحك

الخاطى:بس انا يا رب بحبها اوى الخطية دى وما اقدرش اسيبها وابعد عنها

ربنا : بس انت لما تيجى لى هتسيب الخطية دى خالص

الخاطى: ازى بس يا ربى اسيب الخطية وانا بحبها اوى

ربنا: ما انت لما هتدوق حلاوتى وحلاوة العشرة معايا مش هتبقى عايز ترجع لها تانى

الخاطى: بس يا رب انا حاولت كتير اسيب الخطية دى ولكنى كنت برجع لها تانى

ربنا : انت رجعت لها عشان مقدمتش توبة حقيقة من جواك.

الخاطى: لا يا ربى انا توبت كتير واعترفت بيها لكنى كنت لما اعترف ارجع لها تانى

ربنا: انت رجعت لها عشان كنت معتمد على نفسك وعلى قدرتك الشخصي..لكن ثق فيا وسلم لى كل حياتك وانا هخلقك واشكلك من جديد واخلصك منه الخطية دى

الخاطى: طيب ان عملت ده كله وقولتلك يا ربى خلصنى منها الخطية دى وقولتك كمان نفسى اعيشلك.لكن برضوه كنت برجع لها تانى

ربنا: ما انا قولتلك عشان انت بتفكر فيها كتير وعشان كده هى موجودة جوه حياتك ومش هتسيبك

الخاطى : طيب اية الحل يا ربى دلوقتى

ربنا: الحل انا قولتهلك انك تيجى لى وتعترف لى بخطيتك وتتوب توبة حقيقية مش مجرد كلام تقوله لى وخلاص وانا هسامحك واغفرها لك

الخاطى: كل ده يا رب انا عملته وبرضوه رجعت لها تانى

ربنا: بص انا هقولك على حل هيريحك انت سيب لى نفسك ومتفكرش فى الخطية دى تانى وهى تختفى من حياتك

الخاطى: بجد يا ربى يعنى خلاص مش هتذل تانى للخطية دى ولا مش هرجع لها تانى

ربنا: ايوة يا ابنى خلاص انا همحى الخطية دى من حياتك

الخاطى : شكرا ليك يا ربى شكرأ ليك

بعد ما الخاطى قدم توبة
بيقول لربنا

الخاطى:اه يا ربى دى حياتى حلوة بشكل بعد ما سبت الخطية دى

ربنا: ما انا قولتلك انت توب وسلم لى الخطية اللى تعابك وانا هشيلها من حياتك للابد

الخاطى: انا كنت واثق فيك يا ربى انك هتغفر لى خطيتى وكنت متاكد انى مش هرجع لها تانى يوم ما انت وعدتنى بانك تضمن لى ده

ربنا: صدقت بقا كلامى ووعودى الكتيرة اللى انا قولتها لك بانى خطاياك امحيها ومش اذكرها تانى واتركها فى بحر النسيان

الخاطى: صدقت يا ربى صدقت وامنت ان كل كلامك حق

ربنا : شايف لما رجعت لى حياتك بقيت حلوة ازى وكمان بقا لك مكان فى السما عندى بدل ما كان مكانك الجحيم

الخاطى: عندك حق يا ربى انا مكانى كان هو الجحيم قبل ما اعرفك واتوب عن خطيتى ولكن دلوقتى مكانى بقا السما

ربنا: مبروك عليك السما يا ابنى

الخاطى: شكرا يا ربى على محبتك الكبيرة دى ليا ..كمان شكرا لانك اخدتنى من الضلمة للنور ..ومن حياة الذل والعار مع الخطية لحياة النور والنصرة معاك

اخيرااااااااااااااااااااااا

ربنا بيقوللك انا وانت وانتى

يا ترى حياتك شكلها اية....................؟؟